Жетісу облысының фтизиопульмонология орталығы 8 ай ішінде туберкулезге қарсы қызметінің қорытындысы бойынша Талдықорған қаласының және аудандардың алғашқы медико-санитариялық көмек (әрі қарай АМСК) нысандарының фтизиатрларымен кеңес өткізеді. Кеңес фтизиопульмонология орталығында кесте бойынша 17.09.2024 ж. дан бастап, 25.09.2024 ж. аралығында өткізіледі. Фтизиопульмонология орталығының мамандары АМСК нысандарында жүргізілетін туберкулезге қарсы іс-шараларға талдау жасады. 23.09.-25.09.2024ж. аралығында Алакөл, Панфилов аудандары (онлайн) Ақсу, Қаратал аудандық ауруханаларының емхана меңгерушілері, фтизиатр дәрігерлері тыңдалды. Кеңес барысында туберкулезге қарсы қызмет көрсеткіштеріне қол жеткізу мәселелері, аурушаңдық, таралу, өлім-жітім көрсеткіштері, өкпе тінінің бұзылуымен тіркелген, асқынған жағдайлардың үлес салмағы, қауіпті топтағы ересектер мен балаларды туберкулез жұқпасына АТФ, квантиферон сынамаларымен тексерілуі, профилактикалық емдеумен қамту жағдайы. оның ішінде 5 жасқа дейінгі балалар, туберкулез науқастарының ұлттық регистр базасына ақпаратты уақтылы енгізілуі, тағы басқа мәселелер талқыланды. АМСК дәрігерлері мен медбикелеріне әдістемелік көмек көрсетілді.