2025жылдың 13-14 наурызында Алматы қаласында «Туберкулезге қарсы бағдарламадағы мониторинг пен бағалаудың жаңартылған моделі, ақпараттық жүйені қолдану арқылы тәжірибеге енгізу» тақырыбында тренинг өтті. Тренингте туберкулезге қарсы бағдарламадағы мониторинг пен бағалаудың инновациялық тәсілдері, ҰТНР, медициналық ақпараттық жүйелердегі толықтырулар мен өзгерістер, STOP TB серіктестігін дамыту, туберкулезді анықтау және диагностикалау үшін жасанды интеллектті енгізу мәселелері қаралды. Сондай-ақ мониторинг пен бағалауды жүргізу кезіндегі негізгі проблемалар мен тәуекелдер бойынша әр өңірдің мониторинг пен бағалау тобының басшыларының баяндамалары ұсынылды. Тренинг тәжірибе алмасу үшін жақсы орта болды.