2025 жылдың 16 мамыр күні сағат 14:30-да Талдықорған қалалық көпсалалы ауруханасында «Квантиферон сынамасымен туберкулезді ерте диагностикалау» тақырыбында дөңгелек үстел өтті. Іс-шараны Жетісу облыстық денсаулық сақтау басқармасы «Олимп» ҚДЛ бірлесіп ұйымдастырды. Дөңгелек үстел отырысына фтизиатрлар, фтизиопедиатрлар, орталық аудандық және қалалық ауруханалардың туберкулезге қарсы шараларға жауапты орынбасарлары қатысты. Дөңгелек үстел бағдарламасы бойынша Жетісу облыстық фтизиопульмонология орталығының мониторинг және бағалау тобының мамандары «Облыстағы 2024-2025 жж. 3 айдағы туберкулездің эпидемиологиялық жағдайы», «Туберкулезді анықтау және ерте диагностикалау» және «Қақырық жинау және пациенттерді Gene Xpert тәсілімен тексерудегі проблемалар мен кемшіліктер» тақырыптарында презентацияларымен қатысты.